НЕБ-ын Эрдмийн Ундраа сургууль Япон Улсын Засгийн газрын “Соёлын өвсний үндэс “ төсөлд шалгарч, нээлтийн арга хэмжээ өнөөдөр Монгол дах Япон улсын ЭСЯ-наа болж, Япон Улсаас Монгол Улсад суугаа Онц бөгөөд Бүрэн эрхт Элчин сайд Игавахара Масарү, Баянгол дүүргийн Засаг дарга Ө.Сумъяабаатар нар төсөл хэрэгжүүлэх хамтын ажиллагааны гэрээнд гарын үсэг зурлаа. 2 дугаар сарын 19-ний өдөр, Элчин сайдын өргөөнд 2024 оны Япон Улсын Засгийн газрын Соёлын Өвсний Үндэс буцалтгүй тусламжийн хөтөлбөрөөр хэрэгжих "Эрдмийн Ундраа Цогцолбор сургуулийн япон хэл сурах орчинг сайжруулах төсөл"-ийн гэрээнд гарын үсэг зурах ёслолын арга хэмжээнд Эрдмийн Ундраа Цогцолбор сургуулийн захирал Б.Наранбаатар болон тус сургуулийн багш нар, холбогдох албаны хүмүүс оролцож дээрх төсөл хэрэгжих болсонд талархал илэрхийлэв.
Уг төслөөр Улаанбаатар хотын Баянгол дүүргийн Эрдмийн Ундраа Цогцолбор сургуулийн япон хэлний ангийг тохижуулах бөгөөд орчин үеийн тоног төхөөрөмж бүхий хүүхэд төвтэй хичээлд зориулсан сургалтын орчинг бүрдүүлснээр тус сургуулийн япон хэлний сургалтын түвшин дээшлэн, олон салбарт Япон, Монгол хоёр орныг холбох чадварлаг боловсон хүчин бэлтгэгдэнэ хэмээн найдаж байна. Монгол хүүхдүүдийн япон хэл сурах хүсэл сонирхол дээшилж, япон хэлийг баяр баясгалантайгаар суран, японы соёл уламжлалыг судлан танилцаж, Монгол-Япон улсын хамтын ажиллагаа улам өргөжин дэлгэрнэ гэдэгт итгэл төгс байгаагаа илэрхийлж, амжилт хүслээ.
